‌

ڕاگه‌یاندنێکی گرنگ له‌ ناوه‌ندی (چاک)ه‌وه‌

ئاگاداریه‌ک بۆ/

ـــ سه‌رجه‌م که‌ناڵه‌کانی ڕاگه‌یاندن
ـــ دام و ده‌زگاکانی حکومه‌تی هه‌رێم
ـــ هه‌موو حزب و ڕێکخراوه‌ سیاسییه‌کانی کوردستان
ـــ ڕێکخراوه‌ مه‌ده‌نی و جه‌ماوه‌ری و مرۆڤدۆسته‌کان
ـــ جه‌ماوه‌ری کوردستان له‌ هه‌ر شوێنێکی ئه‌م جیهانه‌دا

 

به‌م نامه‌یه‌ ئاگادارتان ده‌که‌ینه‌وه‌ که‌ له‌ ڕێکه‌وتی ئه‌مڕۆوه‌ 3/2/2008 ئه‌م لۆگۆیه‌ی خواره‌وه‌ ده‌بێته‌ لۆگۆی فه‌رمی ناوه‌ندی (چاک) و چی دی کار به‌ لۆگۆ کۆنه‌که‌مان ناکه‌ین:

 

 

واتای لۆگۆی نوێی (چاک)

هه‌روه‌کو له‌ کۆنگره‌ی دووه‌می (چاک)دا، که‌ له‌  2/12/2007 ـ 1 له‌ شاری کۆڵن/ئه‌ڵمانیا به‌سترا، به‌ ده‌نگی زۆرینه‌ بڕیار درا، که‌ لۆگۆی ئه‌م ڕێکخراوه‌ بگۆردرێت. ئه‌وه‌ بوو پاشتر پێشبركێیه‌ک بۆ لۆگۆی نوێی چاک ڕێکخرا و ئه‌م لۆگۆیه‌ی خواره‌وه‌ به‌ زۆرینه‌ی ده‌نگ هه‌ڵبژێردرا..

 

لۆگۆی نوێی ناوه‌ندی (چاک) بریتیه‌ له‌:

ـ ته‌ختێکی لاکێشه‌یی ڕه‌ش وه‌ک بنکه‌یه‌ک بۆ ئارمه‌که‌، که‌ ناوی ڕێکخراوه‌که‌ی به‌ پیته‌ لاتینییه‌کانی به‌ ره‌نگی سپی تێدا نوسراوه، به‌م شێوه‌یه‌ (CHAK).

‌

ـ وێنه‌ی عومه‌ری خاوه‌ر و منداڵه‌که‌ی، که‌ بوونه‌ته‌ سیمبوڵی کاره‌ساتی هه‌ڵه‌بجه‌، که‌ ئه‌مه‌ش له‌میانه‌ی شاڵاوی یه‌که‌می پرۆسه‌ی ژینۆسایدی ئه‌نفال بوو. بۆیه‌ ده‌کرێت ئه‌م وێنه‌یه‌ وه‌کو سیمبولی ژینۆساید، پاکتاوی ڕه‌گه‌زی و کۆمه‌ڵکوژیی که‌ به‌سه‌ر گه‌لی کورد هاتووه‌، له ‌هه‌ر به‌ش و پارچه‌یه‌کی کوردستاندا بێت، سه‌یری بکرێت.

 

ـ وێنه‌ی گوڵێکی زه‌ردی سروشتیی کوردستان، که‌‌ ته‌لبه‌ندێک) دڕکه‌زییه‌ک) له‌ قه‌ده‌که‌ی ئاڵاوه‌ و واتاکه‌یان:

        ـ گوڵ‌ واته‌: ژیان، جوانی، خۆشه‌ویستی، ئاسوده‌یی، رێز و ئارامییه‌.

        ـ ته‌لبه‌نده‌که‌ به‌ چوار دڕکه‌وه‌، چوار دڕکه‌که‌ نیشانه‌ی چوار داگیرکه‌ری کوردستانن.

          ته‌لبه‌ند واته‌: قه‌ده‌غه‌، ناوچه‌یه‌کی سه‌ربازی قه‌ده‌غه‌کراو، تووندوتیژی، ئازار،            نائازاد، نائارام، وه‌ک له‌ زۆر ئارمه‌کانی ڕێکخراوه‌ (مرۆڤدۆستی و دژ به‌  

          چه‌وساندنه‌وه‌ و ئازادی گه‌لان و تاکه‌که‌س) به‌کار هاتووه‌.

ـ دوو په‌لکه‌ گیا، ڕه‌نگی لای ڕاستیان سه‌وزه‌ و لای چه‌پیش سور، به‌ شێوه‌ی که‌وانه‌یه‌کی سه‌رکراوه‌، که‌ له‌گه‌ڵ بنکه‌ی ئارمه‌که‌دا شێوه‌ی گوڵدانێکیان پێکهێناوه و تا سه‌ر ئاستی گوڵه‌که‌ش به‌رزتر ده‌بنه‌وه‌‌. به‌م شێوه‌یه‌ واتاکه‌یان:

ئه‌و دوو په‌لکه‌ گیایه‌ واته‌ ژیانه‌وه‌، پارێزگاری له‌ ژیان (گوڵه‌که‌)...هتد.

ـ به‌ ڕه‌نگه‌کانی دوو په‌لکه‌ گیایه‌که‌ (سه‌وز و سور) له‌ گه‌ڵ گوڵه‌که‌ (زه‌رد)، ئاڵای کوردستانیان نه‌خشاندوه‌.

گوڵه‌که‌ له‌سه‌ر پشتی وێنه‌که‌ی عومه‌ری خاوه‌ر به‌رز بۆته‌وه‌، واته‌ گیانی قوربانیانه‌ بوونه‌ بنچینه‌ی ژیانه‌وه‌ و به‌رده‌وامی ژیانی گه‌لی کورد، هه‌روه‌کو ڕێکخراوی چاک کار بۆ ژیانه‌وه‌، به‌رده‌وامی ژیان و ئازادی گه‌لی کورد ده‌کات.

ئه‌م ئارمه‌ له‌ لایه‌ن (هیوا ناسیح)ه‌وه وێنه‌ کێشراوه‌ و داڕێژراوه، دواتر له‌ لایه‌ن چه‌ند که‌س له‌وانه‌ (کارزان نور) و که‌سان و لایه‌نی دیکه‌ به‌ کۆمپیوته‌ر نه‌خشه‌سازی بۆ کراوه‌.

 

پرۆفایل:

هیوا ناسیح، ئه‌ندامی (چاک)ه‌، ساڵی 1991 یه‌که‌م پیشانگای تاپبه‌تیی وێنه‌ و پۆسته‌ری سیاسی له‌ ئاماده‌یی پیشه‌سازی به‌کره‌جۆ کردۆته‌وه‌. به‌شداری پیشانگای ساڵانه‌ی کۆلیجی زانسته‌کان/ زانکۆی سه‌لاحه‌ددین ‌ـ هه‌ولێری له‌ ساڵانی 1993، 1994، 1995 کردووه‌. ساڵی 1996زانکۆی سه‌لاحه‌ددین ـ به‌شی بایۆلۆجی  ته‌واوکردوه‌. نوسه‌ره ‌و ده‌ستی وێنه‌کێشان و خۆشنوسی هه‌یه‌.

 

www.chak.be
chak_org@yahoo.com

3.2.2008This email address is being protected from spam bots, you need Javascript enabled to view it